Roop Roop Ambar Gujarati Book

આપણી ભાષાના લોકપ્રિય સર્જક મધુ રાય. અમેરિકાની આબોહવામાં શ્વાસ લેતાં લેતાં નજર કરે છે વિશ્વના ખૂણે ખૂણે સતત બદલાતા જતા માનવજીવન પર અનુભવે છે સાંપ્રત સંવેદનોને અને પરખે છે નવું રૂપ ધરતા સંબંધોનાં સમીકરણોને. તેમને આકર્ષે છે અનેક દેશી-વિદેશી પાત્રો, તેમની સાથે બનતી ચિત્ર-વિચિત્ર ઘટનાઓ અને સતત બદલાતા જતા સમયને કારણે માનવીય વર્તણૂકમાં આવતાં પરિવર્તનો અને પોતાનાં આ નિરીક્ષણો અને અનુભવોને અભિવ્યક્ત કરે છે અવનવી વાર્તાઓમાં. આવી જ 24 નવીનક્કોર વાર્તાઓનું સરનામું બને છે મધુ રાયનો તાજો વાર્તાસંગ્રહ ‘રૂપ રૂપ અંબાર’.